அறிஞன் ஆரோன் (ABUDABI) இவரிடம் எனக்கு பிடித்தது, எப்பொருள் யார் யார் வாய்க் கேட்பினும் அப்பொருள் மெய்ப்பொருள் கான்பது அறிவு. இந்த குறளுக்கு அழகான உதாரனம் இவரை சொல்லலாம். எந்த செயலையும் ஒரு முறைக்கு இருமுறை கவனமாக கேட்டு செயல் படும் அழகு, எனது தெற்கு மண்டல அலுவலகத்தில் அவரை ஒருமுறை அழைத்துச் சென்றபோது இந்தியாவின் பங்கு வர்த்தகத்தை பற்றி புள்ளி விபரமாக சொல்லி என்னையும் சேர்த்து வியப்பில் ஆழ்த்தியவர்.  எனது தென்மண்டல அலுவலகத்தில் எனது மதிப்பை உயர்த்தியவர். இவரிடமிருந்து நான் கற்றது.உயரதிகாரிகள் எதைசொன்னாலும் yes sir, yes sir என்று சொல்லாமல், ஒரு முறைக்கு இருமுறை கேட்டு சந்தேகங்கள் இருந்தால் சார் இது புரியவில்லை , கொஞ்சம் மீண்டும் விளக்குங்கள் என்று கேட்டு கொடுக்கும் பணியை விரைவாகவும் திறமையாகவும் கற்றுக்கொண்டேன். அக்னிதா(USA) இவரிடம் எனக்கு பிடித்தது தேவையானவற்றை மட்டும் பேசுவது, பழந்தமிழ் இலக்கியங்களில் அன்னப்பறவையை பற்றி ஒரு செய்தி உண்டு, பாலுடம் தண்ணீர் கலந்து வைக்கும் போது பாலை மட்டும் பருகிவிட்டு தண்ணீரை அப்படியே விட்டு விடும், இது இவருக்கும் நான் உதாரனமாக சொல்வது இவரிடமிருந்து நான் கற்றது. நிறைய கேட்க வேண்டும் கொஞ்சம் பேசவேண்டும்