Mar 10(7 days ago)

கொண்டே இருப்பார்கள். என்ன தப்பு செய்தீர்கள் என்பதை அறிந்துகொண்டு அதைத் திருத்திக்கொளுங்கள். சரியாக பதில் தெரிந்தும் எழுதும் விதத்தில் தவறாக வந்துவிட்டதா? அல்லது நினைத்தை எழுதாமல் வேறு எதையாவது எழுதிவிட்டீர்களா? வாக்கியம் அமைப்பதில் தவறா? திருத்திக்கொள்ளுங்கள். முன்னேற்றம் அடைவீர்கள்.

மாதத்தேர்வில் ‘ஙிமீtஷ்மீமீஸீ tலீமீ tலீக்ஷீமீமீ’ என்று சேகர் தொடங்கியிருந்த ஒரு வாக்கியத்தை சுழித்திருந்தார் ஆசிரியர். இருவரைப் பற்றி இப்படிக் குறிப்பிடும்போதுதான் ஙிமீtஷ்மீமீஸீ என்ற வார்த்தையைப் பயன்படுத்த வேண்டும். இரண்டுக்கும் மேற்பட்டவர்கள் எனும்போது கினீஷீஸீரீ என்ற வார்த்தையைத்தான் பயன்படுத்த வேண்டும் என்றார். இதனால் ‘நூற்றுக்கு நூறு’ போச்சு.

சேகர் இப்போது மகிழத்தான் வேண்டும்.

தான் செய்த ஒரு தவறை சேகர் இப்போது தெரிந்துகொண்டதால் அந்தத் தவறை ஆண்டுத்தேர்வில் அவன் செய்யமாட்டான். அப்போது முழு மார்க் கிடைக்குமே!

38. வாங்க மறக்காதீர்கள்..

புத்தகங்கள், நோட்டுப்புத்தகங்கள் எல்லாம் வாங்கிவைத்திருப்பீர்கள். வீட்டில் ஒரு கரும்பலகையும் வாங்கி வைத்துக்கொள்ளுங்கள். படித்து முடித்த பாடங்கள் மறக்காமல் இருக்கிறதா என்பதற்காக பாயிண்டுகளை எழுதிபார்ப்பதற்கும், அறிவியல் பாடங்களை வரைந்து பழகுவதற்கும் இது மிகவும் நல்லது.

39. தெய்வம் துணையிருக்கும்..

ஆலயங்களுக்கு அவ்வப்போது செல்லுங்கள். மனப்பூர்வமாக வேண்டிக்கொள்ளுங்கள். ‘‘நான் நன்றாகப் படிக்கிறேன். எனக்கு முழு மதிப்பெண் கிடைக்க நீ அருளவேண்டும்’’ என்று பிரார்த்திக்கொள்ளுங்கள். ‘‘நான் நன்றாகப் படித்த பகுதிகளைத்தான் தேர்வில் கேட்க வேண்டும்’’ என்பது போன்ற வேண்டுதல்களும் இயல்பானதுதான் தப்பில்லை.

‘இதனால் என்ன பலன்? கோயிலுக்குப் போகவில்லையென்றால் சாமி மதிப்பெண்களைக் குறைத்துவிடுவாரா? இரண்டு வெவ்வேறு பகுதிகளைப் படிக்காத மாணவர்கள் சாமியை வேண்டிக்கொண்டால், யாருக்கு அவர் அருள் செய்வார்?’ என்பது போல் கேட்கக்கூடாது.

இதெல்லாம் இறைவனைப் பொறுத்த விஷயங்கள் அல்ல. நம் மனதைப் பொறுத்த விஷயம். ‘‘கடவுள் நம்மைக் கைவிடமாட்டார். நூற்றுக்கு நூறு வாங்க வைப்பார்’’ என்கிற நம்பிக்கை மனதுக்கு தெம்பை கொடுக்கும். ‘பரிட்சை ஜுரம்’ வராமலிருக்கும்.

40. தேர்ந்தெடுப்‘பேனா’? பதில் தெரியாவிட்டால்தான் பரிட்சையில் எழுதும்போது தடை ஏற்பட வேண்டும் என்பதில்லை. பேனா சரியாக எழுதாவிட்டாலும் இதே நிலைதான். ஏற்கெனவே நன்கு பழகிய பேனாவையே தேர்வு எழுதப் பயன்படுத்துங்கள். இரண்டு பேனாக்கள் போதாது. மூன்று பேனாக்களையாவது தேர்வு எழுதும்போது எடுத்துச் செல்லுங்கள். மற்றவர்கள் சொல்வதற்காக இல்லாமல் பால்பாயிண்ட் பேனா, ஃபவுண்டன்பேனா ஆகிய இரண்டில் எது தடையில்லாமல் எழுத வருகிறது, நீண்ட நேரம் கைவலிக்காமல் எழுத முடிகிறது என்பதை யோசித்துப் பார்த்து முடிவு செய்யவும்.

41. வாங்கித்தான் ஆகவேண்டும்..

ஒரு முழு நீள ஸ்கேல், அரையடி ஸ்கேல் இரண்டையும் எடுத்துச் செல்லவும். சின்ன ஸ்கேல் வரைபடங்களுக்கு உதவும். பெரிய ஸ்கேல் மார்ஜின் போட உதவும். தரம் குறைந்த பால்பாயிண்ட் பேனாவால் மார்ஜின் கோடு போடும்போது நடுவில் இங்க் பரவிவிடும் அபாயம் உண்டு. பென்சில் அல்லது தரமான பால்பாயிண்ட் பேனாவால் கோடு போடவும். சிலசமயம் மார்ஜின் கோடு போட்ட பேனாவால் எழுதும்போது ஓட்டம் சரியாக இருக்காது. அதிகப்படி பேனா தேவை.

42. வரைபடப் பயிற்சி தேவை... தேவை!

பலரும் ஒன்றை செய்து பார்ப்பதில்லை. உலக வரை படங்களில் பாகங்களைக் குறித்து பிராக்டீஸ் செய்ய வேண்டும். இதற்காகச் செலவாகும் ஒரு சில ரூபாயைப் பெரிதுபடுத்தாமல் சில ‘மேப்’களை வாங்கி சரித்திரம் மற்றும் புவியியல் பாடங்களில் வரும் மேப் கேள்விகளுக்கான பதில்களைத் தயார் செய்து கொள்ளுங்கள். பிறகு பாடத்தில் இருக்கும் பகுதிகளோடு ஒப்பிட்டுப் பார்த்து சரிசெய்து கொள்ளுங்கள்.

43. ஒன்றுபட்டால் உண்டா வாழ்வு?

வாழ்வு உண்டு. மதிப்பெண் உண்டா என்பது நீங்கள் எப்படிப்பட்டவர்களுடன் ‘குரூப் ஸ்டடி’ செய்கிறீர்கள் என்பதைப் பொறுத்தது. பத்து பேர் சீரியஸாக படிக்கும்போது ஒருவர் ஜாலியாக ஜோக் அடித்தால் நன்றாகத்தான் இருக்கும். ஆனால், பரிட்சைக்குப் படிக்கும்போது இதனால் கவனம் சிதறுமே! எனவே, இதுபோன்ற கோமாளிகளை, படிக்கும் குழுவில் சேர்த்துவிடாதீர்கள். சேர்ந்து படிக்கும்போது ஒரு நண்பராவது உங்களைவிட புத்திசாலியாக இருந்தால்தான் உங்களுக்குச் சந்தேகம் ஏற்படும்போது அதைத் தீர்த்துக்கொள்ள முடியும்.

44. ஒரே நேரத்தில் ஒரே பாடம்? வானத்தில் பறவைகள் ஒன்றாக, அழகானதொரு டிஸைனில் பறந்துகொண்டிருப்பதைப் பார்த்து வியந்திருப்போம். ஆனால், குரூப் ஸ்டடி அப்படியல்ல. ஒரு பாடத்தை எல்லோரும் முடித்த பிறகுதான் முதலில் முடித்தவரும் அடுத்த பாடம் படிப்பது என்பதெல்லாம் முட்டாள்தனம். அவரவர், தான் படிக்காத பாடத்தைப் படிக்க வேண்டும். சந்தேகம் வந்தால் கேட்டுத் தெளிவு பெறவேண்டும். இதுதான் சரியான முறை.

உங்கள் நண்பர் ஒருவர் சரியான தொணதொணப்பு. அவரோடு சேர்ந்து குரூப் ஸ்டடி செய்தால் நிமிடத்துக்கு ஒருமுறை சந்தேகம் கேட்டுக்கொண்டிருப்பார் என்றால், பரிட்சை நெருங்கும்போது அவருடன் சேர்ந்து படிக்க வேண்டாம். நண்பனை நட்டாற்றில் விடலாமா என்று கேட்கிறீர்களா? தேர்வு நெருங்கும்போது கொஞ்சம் சுயநலமாக இருப்பதில் தப்பில்லை, நண்பர்களே...

45. ஒப்பிட்டுப் பார்ப்பது அவசியம்!

நாமே நமக்குள் சில ஒப்பீடுகளைச் செய்துகொள்வது பயன்தரும்.

பக்கத்தின் கீழ்பகுதியில் உள்ள அட்டவணையில் தேர்வுகளில் 100/100 வாங்கும், உங்களுக்கு நன்கு அறிமுகமான மாணவர்களின் பெயர்களை எழுதுங்கள். அவர்களால் நிறைய மதிப்பெண்கள் வாங்க முடிந்த காரணத்தை அடுத்துள்ள கட்டத்தில் எழுதுங்கள். மூன்றாவது மற்றும் நான்காவது கட்டங்களில் எந்தக் காரணங்களால் இவர்களால் நூற்றுக்கு நூறு வாங்க முடிந்ததோ அந்த காரணங்கள் உங்களிடம் இருக்கிறதா, இல்லை என்றால் ஏன் என்பதை எழுதுங்கள்.

என்ன எழுதியாச்சா? இப்போது நீங்கள் குறிப்பிட்டுள்ள காரணங்களில் எதிர்மறையான காரணங்கள் உண்டா என்பதை முதலில் பார்க்கலாம். அதாவது ‘டீச்சருக்கு அவனைப் பிடிக்கும்’, ‘அவளுக்கு எப்போதும் அதிர்ஷ்டம்’ என்பன போன்றவை. ‘அதிர்ஷ்டம் தேவை’ என்ற எண்ணம் வந்துவிட்டால், தேர்வுக்குத் தயராகும்போதெல்லாம் ‘அதிர்ஷ்டம் இருந்தால்தான் 100/100 கிடைக்கும். என்ன படித்து என்ன பயன்?’ என்று உள்மனம் யோசிக்கத் தொடங்கிவிடும். கவனம் சிதறி, படிப்பது மனதில் தங்காது.


இப்போது பிற காரணங்களைக் கவனியுங்கள். உதாரணமாக, நண்பன் எப்போதும் 100/100 மதிப்பெண்கள் பெறுவதற்கு இப்படி நீங்கள் குறிப்பிட்டிருக்கலாம்.

(அ) அன்று சொல்லிக் கொடுக்கப்படும் பாடங்களை அன்றே படித்துவிடுவான்.

(ஆ) பரிட்சையில் எதிர்பாராத கேள்வி வந்தாலும் சரியான விடையை எழுதிவிடுகிறான்.

(இ)பாடத்தில் சந்தேகம் ஏற்பட்டால் உடனுக்குடன் தெளிவுபடுத்திக்கொள்கிறான்அப்படியானால், நீங்கள் ஏன் அதுபோல் செய்வதில்லை? ஏதோ காரணத்தால் இதுவரை அவற்றை நடைமுறைப்படுத்தவில்லை என்றால், இனியாவது அப்படிச் செய்யலாமே!


ஒருவேளை நீங்கள் எழுதிய காரணங்கள் இப்படியும் இருக்கலாம்.

(அ) அவனுக்கு படிப்பதற்கு தனி அறை இருக்கிறது.

(ஆ) அவன் அப்பாவும் அம்மாவுமே நன்கு படித்தவர்கள். எனவே, அவனுக்குப் பாடத்தில் சந்தேகம் ஏற்பட்டால் உடனுக்குடன் அதை நீக்கிக்கொள்ள முடிகிறது.

இதுபோன்ற காரணங்களை உங்களுக்குப் பொருந்துமாறு செய்துகொள்வதில் பெரிய பிரச்னை இருக்காது. படிப்பதற்கு தனியறை கொடுக்க முடியாவிட்டாலும் தனி இடம் நிச்சயம் கொடுப்பார்கள்.

அப்பா, அம்மா அதிகம் படிக்காதவர்களாகவோ அல்லது அலுவல் காரணமாக பாடங்களை விளக்கப் போதிய நேரம் கிடைக்காத வர்களாக இருந்தாலோகூட கவலையில்லை. ஏதாவது ஒரு நல்ல ஆசிரியரிடம் டியூஷன் வைத்துக்கொள்ளலாமே!

46. எழுத்து... தலையெழுத்து?

வேகமாக எழுதும்போது கையெழுத்து அழகாக இருக்காதுதான். ஆனால், தெளிவாக இருக்க வேண்டும் இல்லையா? கிறுக்கலான, படிக்கவே சிரமம் தரும் கையெழுத்தைப் படிக்க நேரிடும் தேர்வாளருக்கு ‘‘இந்த மாணவருக்கு கொஞ்சமாவது மார்க்கை குறைத்தால் தப்பில்லை’’ என்பதுபோல் யோசிக்கத்தோன்றும்.

அழகான கையெழுத்து வாய்க்கப் பெறாதவர்கள் கூட நீங்கள் படித்த பாடத்தின் சுருக்கத்தை அக்கறையாக எழுதிப்பாருங்கள். மனதிலேயே ஒரு ரிவிஷனும் ஆச்சு... கையெழுத்தும் தெளிவாச்சு.

47. ‘படித்தவர்’களாக இருந்தால் போதாது.

பல மாணவர்கள் செய்யும் தவறு, எதையும் எழுதிப்பார்க்காததுதான். கணிதத் தேர்வுக்காகக்கூட இவர்கள் கணக்குகளைப் போட்டுப்பார்க்க மாட்டார்கள். தனக்கு வழிமுறை நன்றாகத் தெரியும் என்ற நம்பிக்கை. ஆனால், இதில் ஒரு சிக்கல் ஏற்பட வாய்ப்பு உண்டு. பரிட்சையின்போது தேவைப்படும் வேகத்தில் இவர்களால் எழுத முடியாமல் போகலாம் (பயிற்சி இல்லையே!). அதனால்தான் ‘‘எல்லாத்தையும் எழுத நேரமே இல்லை’’ என்று அங்கங்கே கையை உதறிக்கொள்கிறார்கள். எழுதிப் பழகிக்கொள்ளுங்கள்.

48. நான்கில் எது?

‘மல்ட்டிபிள் சாய்ஸ்’ கேள்விகள் இப்போது கேட்கப்படுகின்றன. சரியான விடை உறுதியாகத் தெரியாதபோது என்ன செய்வது? நீங்கள் மறக்காமல் செய்ய வேண்டியது ஒன்று உண்டு. அப்படிப்பட்ட கேள்விகளுக்கு பதிலளிக்காமல் விட்டால் நிச்சயம் நூற்றுக்கு நூறு கிடைக்காது ஏதோ ஒரு பதிலை எழுதியே ஆகவேண்டும்.


முதலில் கேள்வித்தாள் முழுவதையும் கவனமாக படியுங்கள். சிலசமயம் மல்ட்டிபிள் சாய்ஸ் கேள்விக்கான விடை வேறு ஏதாவது கேள்வியிலேயே கூட இருக்க வாய்ப்புண்டு.

எடுத்துக்காட்டு&

பாபரின் மகன் யார்? அ.அக்பர் ஆ.ஹ§மாயூன் இ.ஷாஜகான் ஈ.ஒளரங்கசீப் என்ற கேள்விக்கு விடை தெரியாதிருக்கையில், வேறு ஏதாவது ஒரு கேள்வியில் ‘பாபரின் மகன் ஹ§மாயூன் எப்படி இறந்தார்?’ என்று இருக்கலாம்.

இவ்வளவு நேரடியாக இல்லையென்றாலும் ‘தன் தாத்தா பாபரைவிட அக்பர் பெரும்புகழ் பெற்றார். எதனால் என்பதை விளக்குக’ என்று கேள்வி இருக்கக்கூடும்.


பாபரின் மகன் அக்பரா, ஹ§மாயூனா என்பதில் உங்களுக்கு சந்தேகம் ஏற்பட்டிருந்தால், மேற்படி கேள்வியால் அது தீர்ந்திருக்கும். ஹ§மாயூன் என்ற சரியான பதிலை எழுதிவிடலாம்.


49. நீக்குங்கள்&கிடைத்துவிடும்..்

சரியான விடை எது என்று தெரியாவிட்டாலும் தவறான விடைகளை நீக்கிவிட்டாலே கூட சிலசமயம் விடை கிடைத்துவிடும். இதைப் புரியவைக்க இதோ ஓர் (ரொம்ப எளிமையான) உதாரணம்.

ஜவஹர்லால் நேரு எந்த ஆண்டு இறந்தார்?

அ.1945 ஆ.1964 இ.1996 ஈ.1938

நேரு இறந்த வருடம் உங்களுக்கு சரியாகத் தெரியாவிட்டால்கூட நீங்கள் இப்படி யோசித்தால் விடை கிடைத்துவிடுமே! ‘நான் பிறப்பதற்கு முன்பே நேரு இறந்துவிட்டார். எனவே, 1996 நிச்சயம் சரியான விடை அல்ல. இந்தியாவின் முதல் பிரதமர் நேரு என்பது எனக்குத் தெரியும். இந்தியா சுதந்திரம் பெற்றது 1947&ஆம் ஆண்டு. எனவே, 1945, 1938 இரண்டும் சரியல்ல... இவ்வளவு யோசித்தால் போதுமே... மீதமிருக்கும் 1964தான் விடை என்பது புரியுமே!

50. நெருக்கத்தை கவனியுங்கள்..

‘மல்டிபிள் சாய்ஸ்’ கேள்விக்கு ஒன்றுக்கு மேற்பட்ட விடைகள் அநேகமாக ஒரே மாதிரி இருந்தால் அவற்றில் ஒன்று சரியான விடையாக இருப்பதற்கு வாய்ப்பு அதிகம்.

எடுத்துக்காட்டு &

எந்த ஆண்டில் நடைபெற்ற ஒலிம்பிக் பந்தயத்தில் தடகள வீரர் ஜஸ்ஸி ஓவன்ஸ் நான்கு தங்கப் பதக்கங்களை வென்றார்?

அ.1936 ஆ.1940


இ.1984 ஈ.1920

இவற்றில் முதல் இரண்டு விடைகளும் அடுத்தடுத்த ஒலிம்பிக் வருடங்களாக, மிகவும் நெருக்கமாக இருப்பதைக் கவனித்தீர்களா? இவற்றில் ஒன்றே விடையாக இருக்க வாய்ப்பு மிகவும் அதிகம் 51. பெரும்பாலும் சரிதான்..

‘பெரும்பாலும்’, ‘ஏறத்தாழ’ போன்ற வார்த்தைகள் ஏதாவது ஒரு விடையில் இருந்தால் அது சரியான விடையாக இருக்க வாய்ப்பு அதிகம்.


52. மூளையைத் தட்டிப் பாருங்கள்.


இப்படி ஒரு கேள்வி கேட்கப்படுகிறது என்று வைத்துக்கொள்வோம்.

ராபர்ட் கிளைவ் ஆங்கிலேயர்களின் கிழக்கிந்திய கம்பெனியில் எந்தப் பதவியில் முதன்முதலாகச் சேர்ந்தார்?

அ.கவர்னர் ஆ. வைஸ்ராய் இ.தளபதி ஈ.எழுத்தர்


விடை உங்களுக்குத் தெரியவில்லை என்றாலும் கொஞ்சம் புத்திசாலித்தனமாக யோசித்தால் இதைக் கண்டுபிடித்து விடலாம். மற்றவர்களைப்போல் இல்லாமல் ராபர்ட் கிளைவ் சேர்ந்த பதவிக்கும் இறுதியில் அவர் வகித்த பதவிக்கும் பெரிய வித்தியாசம் இருந்திருக்க வேண்டும். அதனால்தான் அவரை குறித்து மட்டும் இதுபோன்ற ஒரு கேள்வி கேட்கப்படுகிறது. தவிர, எந்த உயர் பதவியில் ராபர்ட் கிளைவ் குறித்து நாம் கேள்விப்படுகிறோமோ அது இப்படி ஒரு கேள்வியாக வர வாய்ப்பில்லை. இப்போது விடைகளை மீண்டும் ஒருமுறை மனதில் ஓட்டிப்பாருங்கள். யெஸ்... எழுத்தர் என்பதுதான் சரியான விடை!

இதே பாணியில் கீழே உள்ள கேள்விக்கு பதில் அளியுங்கள் பார்க்கலாம்.

1990&91ஆம் ஆண்டு நடைபெற்ற இலங்கைக்கு எதிரான போட்டித்தொடரில் ஆன்டி ஜோன்ஸ் எத்தனை சதங்கள் அடித்தார்?

அ.மூன்று சதங்கள் ஆ.ஒரு சதம் இ.சதம் ஏதும் இல்லை ஈ.இரண்டு சதங்கள்


முதல் விடையைத் தவிர மற்றவற்றில் எந்த தனிச்சிறப்புமில்லை என்கிற காரணத்தினாலேயே நீங்கள் முதல் விடையைத் தேர்ந்தெடுக்கலாம். இப்படிப்பட்ட தேர்வுகள் பெரும்பாலும் சரியாகவே இருக்க வாய்ப்பு உண்டு.

53. உள்ளுணர்வு!


நிச்சயமான விடை என்பது தெரியாதபோது சிலசமயம் உங்கள் உள்ளுணர்வு சொல்லும் விடையைத் தேர்ந்தெடுக்கலாம். எப்போதோ அதை நீங்கள் படித்திருந்து அடிமனதில் அது தங்கியிருந்து இப்போது வெளிப்பட்டிருக்கலாம். இதையெல்லாம் படித்ததும் உங்களுக்கு ஒரு நியாயமான சந்தேகம் வரலாம். ‘விடை தெரியாவிட்டாலும் அதைச் சரியாக யூகிக்கலாம் என்று விதவிதமான டெக்னிக்குகளை சொல்லித்தருகிறீர்களே, இதெல்லாம் கேள்வித்தாளை உருவாக்குபவர்களுக்குத் தெரியாதா? ஒழுங்காகப் படித்தவர்கள் மட்டுமே விடையளிக்க முடிவது போல கேள்வியைத் தயாரித்துவிட்டால் என்ன செய்வது?’ கவலை வேண்டாம். ஆண்டுத் தேர்வுகளில் ஆசிரியர்களின் நோக்கம்,  மாணவர்களை சிக்கவைத்து மதிப்பெண்ணை குறைப்பதாக இருக்காது. மாணவர்களுக்கு உதவுவதுதான் அவர்களின் நோக்கமாக இருக்கும்.

54. கணக்குப் பாருங்கள்..

கணிதத்தேர்வு எழுதும்போது சில விஷயங்களில் கவனம் வேண்டும். விடைகளை எழுதும்போது அவற்றின் அளவைகளையும் குறிப்பிட்டிருக்கிறீர்க� ��ா என்பதை ஒருமுறைக்கு இருமுறை சரிபார்த்துக் கொள்ளுங்கள். உதாரணமாக, உங்கள் விடை நீளத்தை குறிக்கிறது என்றால், விடையாக கிடைத்த அளவுடன் மீட்டர் அல்லது சென்டிமீட்டர் என்பதைக் குறிப்பிட வேண்டும். பரப்பளவு என்றால் சதுர மீட்டர்.

இதுபோன்ற அறிவுரையைக் கேள்விப்பட்ட மாலினி, தன் கணிதத்தாளை ரிவைஸ் செய்யும்போது வெகுவேகமாக விடையின் இறுதியில் மீட்டர் என்று எழுதினாள். இரண்டு நீளங்களுக்கு இடையே உள்ள விகிதத்தை எழுதச் சொல்லும் கேள்வி அது. விகிதத்துக்கு ஏது அளவு? அதனால் அந்தக் கேள்விக்கான மதிப்பெண்ணை இழந்தாள்.

எனவே, எதை எழுதுவது என்பதுடன் எதை எழுதாமல் இருப்பது என்பதிலும் தெளிவு தேவை.

55. புள்ளிக்குப் பிறகு...

கணித் தேர்வில் எவ்வளவு தசம ஸ்தானங்கள்வரை கணக்கிடுவது என்பதில் குழப்பம் வரலாம். பொதுவாக, புள்ளிக்குப் பிறகு இரண்டு இடங்களுக்கான எண்ணிக்கைகளை எழுதினாலே போதுமானது (5.73, 125.32 என்பதுபோல்). ஒரு கேள்வியில் கொடுக்கப்பட்டிருக்கும் எல்லா எண்களிலுமே புள்ளிக்குப் பிறகு மூன்று இடங்கள் கொடுக்கப்பட்டிருந்தால் உங்கள் விடையும் அதுபோலவே இருக்கலாம்.

சிலர் மிகவும் நீளமாக தசம ஸ்தானங்களை எழுதிக்கொண்டே போவார்கள் (10.3273546831 என்பதுபோல). இதனால் நேரம் வீணாகிறது என்பதோடு தாளைத் திருத்துபவரின் எரிச்சலையும் சம்பாதித்துக்கொள்ள நேரிடும்.

56. இடையில் வராது!

பாதிக் கணக்கில் புள்ளிக்கு பிறகு பல இடங்கள் இருக்கும்படி ஒரு கணக்கு அமைந்தால், நீங்கள் அந்தக் கணக்கை சரியாக போட்டிருக்கிறீர்களா என்பதை ஒருமுறைக்கு இருமுறை சரிபார்த்துக்கொள்வது நல்லது. ஏனென்றால் இப்படி நீளமான, தசமத்துக்குப் பிந்திய எண்ணிக்கையெல்லாம் பொதுவாக விடையில் வேண்டுமானால் வரலாமே தவிர இடையில் வருவதில்லை.


57. இடது வலது!

கணிதத் தேர்வின்போது ரஃப்பாக நீங்கள் செய்யும் கணக்குகளுக்கு, தாளின் வலப்பக்கத்தை விட்டுவிடலாம்.

அதாவது இடப்புறமாக சின்ன மார்ஜின், நடுவே உள்ள பெரிய பகுதியில் தெளிவான வழிகள் மற்றும் விடைகள். வலப்புற ஓரத்தில் நாம் ரஃப்பாகப் போடும் கணக்குகள், சரியா?

58. தெளிவாக...

ரஃப்பாகப் போடும் கணக்குகளையும் தெளிவாகவே போடவேண்டும். தேர்வாளருக்கு ஒரு நல்ல கருத்து உண்டாகும். தவிர, கோழிக்கிறுக்கலாகப் போட்டால் நாமே எண்களை மாற்றிப் புரிந்துகொள்ள நேரும்.

59. இரண்டுக்கும்...

அதேபோல் ஒரு கணிதக் கேள்வியில் இரண்டு பகுதிகள் இருந்தால் இரண்டு விடைகளையும் அடிக்கோடிட மறக்காதீர்கள்.

60. துணை சமன்பாடு!

ஒரு விடையில் மூன்று துணை சமன்பாடுகள் வருகின்றன (ஷிuதீ மீஹீuணீtவீஷீஸீs). இவற்றைப் பொருத்தி இறுதி விடையைக் கண்டுபிடிக்க வேண்டுமென வைத்துக்கொள்வோம். ஒவ்வொரு துணை சமன்பாட்டையும் தெளிவாக எழுதி அடிக்கோடிட்டுக் கொள்ளுங்கள். தவறு நிகழ்வதை இது தடுக்கும். திருத்துபவருக்கும் ஈஸி!

61. வருடம் அவசியம்!

வரலாற்றுப் பாடங்களுக்கான விடைகளில் வருடங்களைக் குறிப்பிட மறக்காதீர்கள். கேள்வியில் வருடம்தேவை என்று குறிப்பிடவில்லை என்றால்கூட இது அவசியம்.

62. அடியில் கோடு இருக்கட்டும்..

பொருளாதாரம் போன்ற பாடங்களில் நிறைய தியரிகளாகவே இருக்கும். பக்கம் பக்கமாக, பத்தி பத்தியாக எழுதும்போது விடையின் முக்கிய சொற்றொடர்களை அடிக்கோடிட்டால் திருத்துபவர், அனைத்துப் பகுதிகளிலும் கவனம் செலுத்தி அதிக மதிப்பெண்கள் தர வாய்ப்பு அதிகம்.


63. ஓவியராக மாறுங்கள்..

இயற்பியல் பாடங்களில் வரைபடங்கள் மிக அவசியம். ஒரு பரிசோதனையைக் குறிப்பிடுமாறு கேள்வியில் குறிப்பிடப்பட்டிருந்தால� �� ‘படம் வரைந்து’ என்ற வார்த்தைகள் கேள்வியில் இல்லையென்றால்கூட நீங்கள் படம் வரைந்ததுதான் ஆகவேண்டும்.


64. மையமே நல்லது..

வரைபடங்களை, தாளின் நடுப்பகுதியில் வரைவது நல்லது. பளிச்சென்று இருக்கும். பாகங்களைக் குறிப்பிட, நுணுக்கி நுணுக்கி எழுவதையும் இது குறைக்கும்.

65. ஸ்கேல் தேவையா, இல்லையா?

நிச்சயம் இந்த பதிலில் வரைபடத்துக்கு மதிப்பெண் உண்டு என்று படும் வரைபடங்களை ஸ்கேலின் துணை கொண்டு தெளிவாக வரையவேண்டும். தலைப்பு கொடுக்க மறக்க வேண்டாம் மாறாக ’ரஃப் வரைபடங்கள்’ என்றால் ஸ்கேல் இல்லாமல் தோராயமாக வரையலாம்.

66. பொருத்தம்..

Ôபொருத்துக’ வகைக் கேள்விகளில் அப்படியே கேள்வியை எழுதிவிட்டு அம்புக்குறிகளால் பொருத்தக் கூடாது. இப்படிச் செய்தால் முழு மதிப்பெண்கள் கிடைக்காமல் போகலாம்.

கி) திரவ உலோகம்& வீவீவீ) பாதரசம் ஙி) பாக்ஸைட்& வீ) அலுமினியம் சி) இதுவும் கார்பன்தான்& வீவீ) வைரம், என்கிற வகையில் எழுதினால்தான் நல்லது.

67. காதுக்கும் பங்கு கொடுங்கள்..

‘வாய்விட்டு சிரித்தால் நோய்விட்டுப் போகும்’ என்பார்கள். வாய்விட்டுப் படித்தால் மேலும் மனதில் பதியும் என்பதும் உண்மை. காரணம், கண்கள் வாக்கியங்களில் மேய, வாய் அதைப் படிக்க, காதுகள் அதைக் கேட்க, பல விதங்களில் மனதால் அதைப் பதியவைத்துக்கொள்ள முடிகிறது. எனவே, சத்தமாக இல்லாவிட்டாலும் வாய்விட்டுப் படிப்பது நல்லதுதான்.

68. தயாராகுங்கள்..

கல்லூரிப் படிப்பை முடித்துவிட்ட உங்கள் அண்ணன் ‘‘ஏண்டா நீ பரிட்சைக்குப் படிக்கும்போது திடீர்னு பவர்கட் ஆனா என்ன செய்வே?’’ என்று கேட்டால் என்ன சொல்வீர்கள்? ‘‘நல்லதே நினைக்கத் தெரியாத ‘சேடிஸ்ட்’டுடா நீ’’ என்று கடுகடுக்கிறீர்களா? அவன் எப்படி வேண்டுமானாலும் இருந்துவிட்டுப் போகட்டும். நீங்கள் தயாராக இருக்க வேண்டும். வீட்டிலுள்ள எமர்ஜென்ஸி விளக்கை தினமும் சார்ஜ் செய்து வைத்துக்கொள்ளுங்கள். தடிமனான மெழுகுவத்திகள் பக்கத்தில் இருக்கட்டும். தீப்பெட்டியும்தான்.

69. டைட்டானிக் ஆகாமலிருக்க...

சில வீபரீதங்கள் நடந்துவிடுமோ என எண்ணி உடல் நலத்திலும் கவனமாக, முன்னெச்சரிக்கையாக இருக்க வேண்டும். எதுவும் நடக்காது என்ற குருட்டு தைரியம் சரி அல்ல. அதேசமயம் ஏதோ நடந்துவிடுமோ என்ற நடுக்கமும் அதைத் தொடர்ந்து எதுவும் செய்யாமல் கிலியில் மூழ்கிவிடுவதும் சரியல்ல. தேவை, முன்னெச்சரிக்கை நடவடிக்கைதான்.

டைட்டானிக் கப்பலின் உட்பகுதி நீர்புகாத பதினாறு பகுதிகளாகப் பிரிக்கப்பட்டிருந்தது. இவற்றில் நான்கில் நீர் புகுந்தபோதும் கப்பலின் மிதவைத் தன்மை பாதிக்கப்படாது என்கிற வகையில் வடிவமைக்கப்பட்டிருந்ததால் இது ‘மூழ்கடிக்க முடியாத கப்பல்’ என்றே விளம்பரப்படுத்தப்பட்டது. ஆனால், பனிப்பாறை ஒன்றில் இந்தக் கப்பல் மோதியபோது ஐந்து பகுதிகள் தெறித்துப்போயின. கப்பல் மூழ்கியது.

பனிப்பாறையில் மோதாமல் மேலும் எச்சரிக்கையாகக் கப்பலோட்டிகள் செயல்பட்டிருக்கலாமே... இதற்கு வடிவமைப்பவர் என்ன செய்ய முடியும் என்கிறீர்களா? 2,284 பயணிகளுக்கான கப்பல் அது என்றாலும் ஏதாவது விபரீதம் ஏற்பட்டால் 1,178 பயணிகள் தப்பிக்கும் வகையில்தான் படகுகளின் எண்ணிக்கை இருந்தன. அலட்சியத்தால் ஏற்பட்ட அலங்கோலம் இது. உரிய நோய்த்தடுப்பு ஊசிகளைப் போட்டுக் கொள்ள நினைவுபடுத்தத்தான் இதைச் சொல்கிறோம்.

70. காக்க... காக்க!


ஆண்டுத் தேர்வுக்கு இன்னும் ஒரு மாதம் கூட இருக்கலாம். ஆனால், எங்கே போனாலும் கையில் ஒரு பாடப் புத்தகத்தையோ நோட்டுப் புத்தகத்தையோ வைத்துக் கொள்ளுங்கள். ஏனெனில், நாம் எதிர்பாராத விதத்தில் காத்திருக்க வேண்டிவரலாம். அது பேருந்து நிறுத்தமாக இருக்கலாம். மருத்துவரின் கிளினிக்காக இருக்கலாம். இப்படிக் காத்திருக்கும் நேரத்தை வீணாக்க வேண்டாமே...


71. அதில் ஓகே... இதில்?

ஊகூம்... பேருந்து நிலையத்தில் நிற்கும்போது படிக்கலாம் என்றோமே தவிர பேருந்துக்குள் படிப்பது கண்ணுக்குக் கெடுதல் என்பதை மறந்துவிடாதீர்கள். ரயில் பயணம் என்றால் பரவாயில்லை.



72. உன்னை எண்ணிப் பாரு..

உங்களையே நீங்கள் விமரிசித்துக்கொண்டதுண்டா ?

இங்கே கூறப்பட்டுள்ள ஆலோசனைகளை ஏற்று, பின்பற்றத் தொடங்கும்போது நடுநடுவே உங்களையே விமரிசித்துக்கொள்வது அவசியம். ‘அட, திட்டமிட்டபடி படிக்கிறேனே, சபாஷ்!’ என்பதுபோலவோ, ‘வேகமா படிக்கிறேனே தவிர, முழுக்கப் புரிஞ்சிகிட்டுப் படிக்கலையே...’ என்பதுபோலவோ விமரிசனம் இருக்கலாம். அந்த விமரிசனத்தின்படி உங்களிடம் ஏதாவது குறை தென்பட்டால் அதை உடனடியாக சரிசெய்து கொள்ளுங்கள்.

73. மாறுதலில் தப்பில்லை..

திட்டமிடுவது, அட்டவணை போட்டுக்கொள்வது என்பதெல்லாம் அவசியம். அதைவிட அவசியம்,அதன்படி நடப்பது என்பது உண்மைதான். ஆனால், ஒரு சில மாறுதல்கள் தேவைப்பட்டால் அவற்றைச் செய்துகொள்வதில் தவறில்லை.

தினசரி அட்டவணையைப் பின்பற்றும்போது நடைமுறையில் சில மாறுதல்கள் அவசியம் என்று படலாம். அதனால் மொத்தத் திட்டமும் மாறிவிடாது என்கிற பட்சத்தில் இந்த சிறு மாறுதல்களில் தவறில்லை.

74. வகுப்பே ஏற்றது..
தினசரி பாடங்களில் எழும் சந்தேகங்களை நண்பர்களிடம் கேட்டுத் தெளிவு பெறலாமா?அல்லது பள்ளி முடிந்தபிறகு டீச்சர் அவரது அறையில் தனித்திருக்கும்போது கேட்டுத் தெரிந்து கொள்வதா? இவை எல்லாவற்றையும்விட சிறப்பான வழி ஒன்று இருக்கிறது. அது, பாடம் நடத்தும்போதே வகுப்பில் சந்தேகம் கேட்பது. ஏனோ நிறைய மாணவர்கள் இதற்குக் கூச்சப்பட்டுக்கொண்டு சந்தேகத்தை மனதிலேயே வைத்துக் கொள்கிறார்கள். சந்தேகம் கேட்கும் மாணவனை ஆசிரியருக்குப் பிடிக்காது என்பதில்லை. அவனது அக்கறை அவருக்கு மகிழ்ச்சியையே தரும். தவிர, பாடத்தின் ஒரு பகுதியில் சந்தேகம் எழுந்தால் பின்னால் வரும் பகுதிகளிலும் அந்த சந்தேகம் தொடர்ந்து கொண்டேயிருக்கும். எனவே வகுப்பிலேயே சந்தேகங்களைக் கேட்கலாம். பிற மாணவர்களுக்கும் இது பயனுள்ளதாக இருக்கும்.

75. ஊதித் தள்ளுங்கள்..

பரிட்சைக்குத் தயாராகும்போது ஒரு படபடப்பு வரலாம். ‘இன்னும் படிக்க வேண்டியது (அல்லது ரிவைஸ் செய்ய வேண்டியது) நிறைய இருக்கிறதே... எப்படி முடிக்கப் போகிறோம்?’ என்ற பதற்றம். தேர்வு மையத்துக்குள் நுழையும்போது இந்தப் படபடப்பு மேலும் பலமடங்கு அதிகமாகலாம். அப்போது ஆழமாக மூச்சுவிட்டுப் பழகுங்கள். அப்படி மூச்சை வெளியே விடும்போது உங்கள் கவலைகளையும் சேர்த்து வெளியே ஊதிவிடுவதாக எண்ணிக் கொள்ளுங்கள். படபடப்பு குறைந்து அமைதி வரும்.

76. ஓய்வென்பது இதுதான்..

தேர்வுக்குப் படிக்கும் நேரத்தில் கூட இடையிடையே ஓய்வு இருக்கலாம். ஏதோ ஓரிரு நிமிடங்களுக்கு மட்டுமே நிஜமான ஓய்வு. மற்றபடி ‘பிடிக்காத பாடத்திலிருந்து பிடித்த பாடத்தைப் படிப்பதுதான் ஓய்வு’. இப்படித்தான் பொருள் கொள்ளவேண்டும் ஓய்வுக்கு!

77. கும்பகர்ணனாக வேண்டாம். லட்சுமணனாகவும் வேண்டாம்!

தலைப்பைப் படித்துவிட்டு ஆச்சரியப்பட வேண்டாம். ராமாயணத்தில் தொடர்ந்து தூங்குபவன் கும்பகர்ணன். வனவாசத்தின்போது தொடர்ந்து பதினான்கு வருடங்கள் சிறிதும் தூக்கமின்றி அண்ணன் ராமனுக்குக் காவல் இருந்தாராம் லட்சுமணன்.

சகோதர பாசத்தில் லட்சுமணன் அப்படி செய்தது சரி. ஆனால், தேர்வு நாட்களுக்கு நடுவே தொடர்ந்து கண் விழித்துக்கொண்டு கொஞ்சமும் தூங்காமல் இருந்துவிடக்கூடாது.

இரவு பத்து மணிக்குத் தூங்கிவிட்டு காலை நான்கு மணிக்கு எழுந்திருப்பதோ, நள்ளிரவைத் தாண்டி ஒரு மணிக்கு தூங்கிவிட்டு காலை ஆறு மணிக்கு எழுந்து படிப்பதோ உங்கள் விருப்பம். ஆனால், தூங்காமல் இருந்துவிடாதீர்கள். சிறிதும் தூங்கவில்லையென்றால் அடுத்த நாள் தேர்வின்போது தலைசுற்றல் ஏற்படவோ, பதில் ஒன்றும் நினைவுக்கு வராமல் போகும் நிலை வரவோ செய்யலாம்.

மற்றபடி எந்தவித உடல்நலக்கோளறும் இல்லாதவர்கள் இரவில் தூங்கப்போவதற்கு முன் ஒரு முறை குளிக்கலாம். தேர்வு நாட்களில் ஆனந்தமாக அனுபவித்துக்கொண்டும் குளிக்கலாம். முடிந்தால் அப்போது பாட்டுப் பாடலாம், விசில்கூட அடிக்கலாம்.

மனதுக்குக் கொஞ்சம் உற்சாக டானிக் ஏற்றிக்கொண்ட மாதிரி இருக்கும்.

78. புலம்பலை நிறுத்துங்கள்...

காக்கைக்கும் கழுகுக்கும் ஒருமுறை பந்தயம்... யார் முதலில் இமயமலையை அடைவது என்று. இரண்டும் பறக்கத் தொடங்கின. கிட்டதட்ட ஒரே வேகத்தில் சென்று கொண்டிருந்தன.


அப்போது கீழே இருந்த ஒரு மனிதனின் பிணத்தைக் கழுகு பார்த்தது. அந்த பிணத்தின் அருகே யாருமில்லை. அதைச் சுவைக்க வேண்டும் என்ற ஆசை ஒரு கணம் ஏற்பட்டாலும் ஜெயிப்பதுதான் முக்கியம் என்று தீர்மானித்து, தொடர்ந்து பறந்தது.

மேலும் சிறிது நேரம் செல்ல, தெருவில் இறந்து கிடந்த ஓர் எலியின் மீது காகத்தின் கண்கள் பதிந்தன. அதனால் ஆசையை அடக்க முடியவில்லை. இறங்கிவந்து, எலியைச் சுவைத்தது. பின் நிமிர்ந்து பார்த்தபோது கழுகு வெகு தொலைவில் பறந்துகொண்டிருப்பது தெரிந்தது. காகம் இடிந்துபோனது. ‘‘ஐயோ... முட்டாள்தனம் செய்துவிட்டேனே!’’ என எண்ணியபடி தொடர்ந்து அரைமணி நேரம் அழுதது. அப்போது அந்தப் பக்கமாக வந்த சிட்டுக்குருவி, காரணம் கேட்டது. பிறகு ‘‘தவறு செய்துவிட்டாய்தான். ஆனால், அதற்காக அதையே நினைத்துக்கொண்டிருப்பதா� ��் பலன் உண்டா? இப்போது வெற்றி வாய்ப்பு மேலும் குறைந்துவிட்டதே. உடனே பறக்கத் தொடங்கு’’ என்றது. காக்கையும் பறக்கத்தொடங்கியது. ஆனால், கழுகு இமயமலையை அடைந்து, கால்மணி நேரத்துக்குப் பிறகுதான் காக்கையால் செல்ல முடிந்தது. அப்போது காகத்திற்கு தாங்க முடியாத சோகம். ‘எலியை தின்றுவிட்டு உடனே பறக்கத்தொடங்கி இருந்தால்கூட முன்னால் வந்திருப்போமே... அரைமணி நேரம் அழுததால்தானே இந்தத் தோல்வி!’

திட்டமிட்டபடி ஒருநாள் படிக்கமுடியவில்லை என்றால் அதையே நினைத்துக்கொண்டு அடுத்தடுத்த நாட்களிலும் கவனத்தை சிதறவிடக்கூடாது. ஒருநாள் போனது போகட்டும் என சமாதானம் செய்து கொண்டு தொடர்ந்து வரும் நாட்களில் திட்டமிட்டபடி படிக்க வேண்டும்.


79. மாறுதல் அவசியம்.. எப்போது பார்த்தாலும் படித்துக்கொண்டே இருக்க நான் என்ன ரோபோவா?’ என்று கூறுபவர்களுக்கு... இல்லவே இல்லை! நீங்கள் நிச்சயம் இயந்திர மனிதன் இல்லை. நடுநடுவே விளையாட்டு, இனிய இசை என்று கொஞ்சம் கவனத்தைத் திருப்பலாம். தவறில்லை.

ஆனால், தேர்வு இன்னும் இரண்டு மூன்று நாட்களில் வந்துவிடும் எனும் நிலை இருக்கும்போது வெளியில் சென்று விளையாட வேண்டாம். இப்படித்தான் ஒருமுறை விஜயசாரதி, தேர்வுக்கு முன் தினம் கிரிக்கெட் விளையாடப் போனான். ‘‘மணிக்கணக்கில் படித்துக்கொண்டிருக்கிறே� ��். ஒரு சின்ன ரிலாக்ஸேஷன், சரியாக அரைமணி நேரத்தில் வந்துவிடுவேன்’’ என்றபடி கிளம்பினான். அவன் அப்பா இதற்கு சம்மதித்தார் என்றாலும் அம்மாவுக்கு விருப்பம் இல்லை. ‘‘அதெப்படி அரைமணி நேரத்தில் கிரிக்கெட் ஆடிவிட்டு வரமுடியும்?’’ என்றாள்.


ஆனால், சரியாக அரைமணி நேரத்தில் விஜயசாரதி வீட்டுக்கு வந்து சேர்ந்தான். தனியாக அல்ல. அவனை இரண்டுபேர் தாங்கிப் பிடித்து அழைத்து வந்தார்கள். அவன் முகத்தில் பெரும் வேதனை. ‘‘என்னடா ஆச்சு?’’ என்று அவன் அப்பாவும் அம்மாவும் பதறினார்கள்.

நடந்தது இதுதான். தன்னை நோக்கி வந்த பந்தை வேகமாக அடித்துவிட்டு, எதிர்முனையை நோக்கி விஜயசாரதி ஓடியபோது பாதியில் விழுந்துவிட்டான். வலக்காலில் கடும் சுளுக்கு.

ஐஸ் ஒத்தடம் கொடுத்தார்கள். மருத்துவரிடம் அழைத்துச் சென்று காட்டினார்கள். ஆனால், கால் சரியாக சில நாட்கள் ஆகிவிட்டன. இந்த வலியின் காரணமாக பாடத்தில் முழுமையாக கவனம் செலுத்த முடியாமல் போய்விட்டது அவனுக்கு. பாவம்!

80. முன்னதாக அறியுங்கள்..

சிலசமயம் பத்தாவது மற்றும் ப்ளஸ் டூ பொதுத்தேர்வுகளை உங்கள் பள்ளியில் இல்லாமல் வேறொரு தேர்வு மையத்தில் எழுத வேண்டியிருக்கலாம். பரிட்சைக்கு ஒருநாள் முன்பாவது அங்கு சென்று பார்ப்பது நல்லது. செல்வதற்கு எவ்வளவு நேரம் ஆகும் என்பதைப் பற்றிய தெளிவு கிடைக்கும். எது உங்கள் தேர்வு அறை என்பதையும்கூடத் தெரிந்து வைத்துக்கொள்வது நல்லது (இந்த ஆலோசனை, உங்கள் பள்ளியிலே நீங்கள் தேர்வு எழுதுகிறீர்கள் என்றால்கூடப் பொருந்தும்). தேர்வுக்கு சில நிமிடங்களுக்கு முன் அறையை கண்டுபிடிக்க டென்ஷனோடு அலைவதைத் தவிர்க்கலாம்.

81. நீர் என்ன செய்யவேண்டுமென்றால்...

தேர்வுகளின்போது மறக்காமல் தண்ணீரை எடுத்துச் செல்லுங்கள். காய்ச்சி ஆறவைக்கப்பட்ட தண்ணீர் தேர்வு மையங்களில் வைக்கப்பட்டிருக்கும் நீர் குடிப்பதற்கு ஏற்றதாகக்கூட இருக்கலாம். ஆனால் எதற்கு ரிஸ்க்?

82. பருத்தியே தேவை..

‘எதுக்குதான் இந்தக் கோடை நாட்களிலே முழுப் பரிட்சை வைக்கறாங்களோ?’ என்று வெறுப்பாகக் கூறினான் கார்த்திகேயன். வேறொன்றுமில்லை... தேர்வின்போது வியர்த்துக் கொட்டி, அவன் கையிலுள்ள வியர்வை, தேர்வுத் தாளிலும் பட்டு போதும் போதுமென்றாகிவிட்டது.


தேர்வு நாட்களை மாற்றி அமைப்பது நம் கையில் இல்லையென்றாலும் வேறு சில நடவடிக்கைகளை எடுத்துக்கொள்வது நம் கையில்தான் உள்ளது. வியர்வையை உறிஞ்சக் கூடியது பருத்தி உடைகள். எனவே, அவற்றையே அணிந்து தேர்வுக்குச் செல்லுங்கள். கைக்குட்டைகளைவிட சிறிய துவாலைகளை எடுத்துச் செல்லலாம். அவையும் பருத்தியினால் ஆனவையாக இருக்கட்டும்.

83. ஒத்திப் போடலாமா?

‘பத்து மணிக்குப் பரிட்சை. ஒன்பதரைக்குக் கிளம்பிடணும். சைக்கிள்தானே, கால்மணி நேரத்தில் போயிடலாம்’ என்று திட்டமிட்டாள் அபர்ணா. மணி ஒன்பதரை ஆனபோது இன்னும் பத்து நிமிஷம் படித்துவிட்டுக் கிளம்பலாம். ஒருவழியாக ஒன்பதே முக்காலுக்குக் கிளம்பினாள். அன்று அவள் போகும் பாதையில் ஒரு சாலையை முழுவதுமாகத் தோண்டி வைத்திருந்தார்கள். மாற்றுப்பாதை வழியாகப் போகவேண்டியிருந்தது. அந்தச் சாலையில் அன்று யாரோ வி.ஐ.பி. செல்வதால் பத்து நிமிடங்களுக்கு போக்குவரத்தை நிறுத்திவைத்துவிட்டார்க� ��். அன்று பத்து நிமிடங்கள் தாமதமாகத் தேர்வு எழுத நுழைந்தாள் அபர்ணா. அந்தப் பதற்றத்தில் கேள்வித்தாளை வாங்கியபிறகும் கால் மணி நேரத்துக்கு எழுதத் தொடங்க முடியவில்லை அவளால். எதிர்பாராதவை நடக்கலாம் என்பதை மனதில் கொண்டு, குறைந்தது அரை மணிநேரமாவது முன்னதாக தேர்வு மையத்தில் இருக்குமாறு கிளம்புங்கள். தேர்வு மையத்திலிருந்து வீட்டின் தூரம் அதிகமாக ஆக அரைமணி நேரம் என்பது மேலும் அதிகமாக வேண்டும்.

84. முழுக்கப் படியுங்கள்..

கேள்வித்தாள் கொடுக்கப்பட்டவுடன் ஆர்வமாக முதல் பக்கத்தில் இருந்த கேள்விகளைப் படித்தாள் சந்திரா. உற்சாகமடைந்தாள். பதில் தெரிந்த கேள்விகள்தான். விறுவிறுவென எழுதத் தொடங்கினாள். முதல் பக்கத்தின் கடைசியில் ஒரு கேள்வி கேட்டிருந்தார்கள். விரிவான பதில் தேவைப்படும் கேள்வி அது. சுமாராகத்தான் அந்த பதில் அவளுக்குத் தெரியும். ஓரிரு பாயிண்ட்டுகள் மறந்துபோய்விட்டிருந்தன. தெரிந்தவரை எழுதினாள். கேள்வித் தாளின் அடுத்த பக்கத்தைப் பார்த்தவளுக்கு அதிர்ச்சி. காரணம், பின் பக்கத்தில் ‘அல்லது’ என்ற வார்த்தைக்குப் பிறகு வேறொரு கேள்வி கொடுக்கப்பட்டிருந்தது. இந்தக் கேள்விக்கான பதில் சந்திராவுக்கு நன்றாகத் தெரியும். இரு கேள்விகளில் ஒன்றை எழுத வேண்டும் எனும்போது அவ்வளவாக பதில் தெரியாத கேள்விக்கு விடை எழுதியதற்குக் காரணம் கேள்வித்தாளை முழுமையாகப் படிக்காததுதான். இந்தத் தவறை நீங்கள் செய்யாதீர்கள்.

85. தப்பில்லை, கேளுங்கள்..

தேர்வின்போது ஒரு கேள்வி புரியவில்லை, கேள்வியை எந்தப் பொருளில் எடுத்துக் கொள்ளவேண்டும் என்பது புரியவில்லை & என்றால் தேர்வுக் கண்காளிப்பாளரிடம் மெதுவான குரலில் பணிவாக அதைக் கேட்கலாம். நினைவு வைத்துக்கொள்ளுங்கள் & கேள்விக்கான பதிலை நீங்கள் கேட்பதாக அவர் எண்ணிக்கொள்ளக்கூடாது. அப்போது அவர் உங்களுக்கு உதவ வாய்ப்பு அதிகம்.

86. ஒன்று அதிகமாக... ஓகே?

சிறு கேள்விகளில் பத்து கொடுத்து எட்டுக்கு விடை எழுதச் சொல்கிறார்கள் என்று வையுங்கள். ஏழு கேள்விகளுக்கு பதில் தெரிந்திருக்கிறது. எட்டாவதாக எந்தக் கேள்வியைத் தேர்வு செய்வது என்பதில் ஒரு சிக்கல்... காரணம், இரண்டு கேள்விகளுக்கான பதில்கள் உங்களுக்குத் தெரிந்திருந்தாலும் அவை முழுமையான பதில்களா என்பதில் சந்தேகம். இந்தச் சூழ்நிலையில் இரண்டையுமே எழுதிவிடலாம். தப்பில்லை. கருணையுள்ள தேர்வாளர் என்றால் தவறாக அதிகப்படி கேள்வியை எழுதியதாக எண்ணி அவற்றில் முழுவதும் சரியான விடையை மதிப்பீட்டுக்கு எடுத்துக் கொள்ளலாம்.

ஆனால், கவனம் இருக்கட்டும். இதுபோன்ற டெக்னிக்கை ஏதாவது ஒரு பகுதிக்கு மட்டும் & அதுவும் சிறிய கேள்விகளுக்கானவற்றில் மட்டும் & பயன்படுத்துங்கள். இல்லாவிட்டால் தேர்வாளர் உங்கள் நோக்கத்தைப் புரிந்துகொண்டு எரிச்சலடையலாம். அது மதிப்பெண்ணைக் குறைத்தாலும் விடலாம்.

87. தள்ளிப் போடவேண்டாம்..

சிலர் தங்கள் பதில்களின் முக்கிய பகுதிகளை அடிக்கோடிட நினைப்பார்கள். எல்லா பதில்களையும் எழுதி முடித்தபிறகு இறுதியில் செய்துகொள்ளலாம் என்று முடிவெடுப்பார்கள். வேண்டாம். கடைசியில் எல்லா விடைகளையும் படித்துப் பார்க்க ஒருவேளை நேரமில்லையென்றால் இதைச் செய்ய முயாமல் போகும். ஒரு பதிலின் ஐந்து முக்கியப் பகுதிகளில் இரண்டை மட்டும் அடிக்கோடிட்டால்,மற்றவை தேர்வாளரின் கவனத்தை ஈர்க்காமல் போய் மதிப்பெண் குறைந்துவிடவும் வாய்ப்பு உண்டு.

88. நீட்டி முழக்க வேண்டாம்..

‘நைட்ரஸ் ஆக்ஸைடின் தன்மைகள் இரண்டைக் கூறு’ என்று கேள்வி. இரண்டு மதிப்பெண்களுக்கான கேள்வி அது.

உங்களுக்கு அந்த ரசயானப்பொருளின் எட்டுத்தன்மைகள் தெரியும் என்றால் எட்டையும் பட்டியல் இடவேண்டாம். ஏதாவது இரண்டு தன்மைகளைக் குறிப்பிட்டால் போதுமானது. தேவையில்லாமல் எழுதப்படும் பதில்களுக்கு மதிப்பெண் கிடையாது என்பதோடு உங்களுக்கும் நேரம் விரயம், திருத்துபவருக்கும் இதனால் எரிச்சல் வரலாம்.

ஒருவேளை கேள்வி இப்படியிருக்கிறது என்று வைத்துக்கொள்வோம். ‘நைட்ரஸ் ஆக்ஸைடின் முக்கிய தன்மைகள் இரண்டினைக் கூறுக’.


அப்போது நீங்கள் ஏதேனும் இரண்டு தன்மைகளை எழுதிவிட்டு வந்தால் போதாது. முக்கியமான தன்மைகளில் இரண்டைத்தான் குறிப்பிட வேண்டும்.

‘மூன்று முக்கியமான தன்மைகள் நினைவுக்கு வருகிறதே... அவற்றில் எதை விடுவது என்று தெரியவில்லையே’ என்று குழம்பினால் மூன்றையும் எழுதிவிடுங்கள்.

அந்த ரசாயனப் பொருளின் ஒரு முக்கியமான தன்மையும், ஒரு முக்கியமில்லாத தன்மையும் மட்டுமே நினைவுக்கு வந்தால் ‘முக்கியமான தன்மையைத்தானே கேட்டிருக்கிறார்கள்’ என்று நினைத்துக்கொண்டு அதை மட்டும் எழுத வேண்டாம். உங்களுக்குத் தெரிந்த இரண்டு பதில்களையும் எழுதிவிடுங்கள். ‘இதுவும் இந்த மாணவருக்கு முக்கியமாகப் பட்டிருக்கிறது’ என்று தேர்வாளர்கள் எண்ணி முழு மதிப்பெண் வழங்கக்கூடும்.

89. ஒரே ஒரு அடி & போதும்

பிழை வந்தால், எராஸெக்ஸ் போன்ற வெள்ளை பெயிண்ட்டினால் அழிக்கக் கூடாது. சிலர் தவறாக எழுதிவிட்ட வார்த்தை தெரிந்துவிடக்கூடாது என்று அதன்மீது இங்க்கினாலேயே மெழுகுவார்கள். இதனால் மறுபக்கம் உள்ள எழுத்துக்களைத் தெளிவாகப் படிக்க முடியாது. ஒரே ஒரு அழுத்தமான குறுக்குக் கோடு போதும்.

90. இதுபரவாயில்லை..

சிவப்பு மசியால் அடிக்கோடிட வேண்டாம். சொல்லப்போனால் தலைப்புகள், துணைத் தலைப்புகள் ஆகியவற்றை வேறு மசியில் எழுதினாலே போதுமானது. அதாவது பொதுவாக நீலநிற மசியில் எழுதினால் மேற்சொன்னவற்றை, கறுப்புநிற மசியால் எழுதலாம். இப்படி எழுதுவது பார்வைக்கும் அழகாக இருக்கும்.

91. அது கேள்வித்தாள் மட்டும்தான்! வெளியே வந்தபிறகு ஒப்பிட்டுப் பார்க்க வசதியாக பதில்களை கேள்வித் தாள்களில் எழுதிவரும் பழக்கம் பலருக்கு உண்டு. பொதுத் தேர்வுகளில் கேள்வித் தாளில் எதையும் எழுதக் கூடாது. மீறி எழுதினால் (பாதித் தேர்வில் வெளியேற்றப்படுவது உள்பட) அதற்கான தண்டனையை அனுபவிக்க வேண்டியிருக்கும்.

92. அடுத்ததை அடுத்ததில்...

ஒரு தாளில் முக்கால்வாசிக்கும் சற்று அதிகமாக எழுதிவிட்டீர்கள். அடுத்து ஒரு விரிவான பதிலை எழுதவேண்டுமென்றால் அடுத்த பக்கத்தில் தொடங்கலாமே. விடை எடுப்பாகத் தெரியும்.



93. கேள்வி ஃபார்முலா..



ஒவ்வொரு கேள்வியையும் நன்றாகப் படியுங்கள். ‘சிலப்பதிகாரம் ஐம்பெருங்காப்பியங்களில் சிறந்தது & விளக்குக’ என்ற கேள்விக்கும் ‘ஐம்பெருங்காப்பியங்களில� �� ஒன்றான சிலப்பதிகாரம் சிறந்தது & விளக்குக’ என்பதற்கும் வித்தியாசம் இருக்கிறது. முதல் கேள்விக்கு நீங்கள் பிற காவியங்கள் குறித்தும் எழுதி அவற்றைவிட சிலப்பதிகாரம் எப்படி மேம்பட்டது என்பதை எழுத வேண்டியிருக்கும்.


அரைகுறையாகக் கேள்விகளைப் படித்துவிட்டுப் பதில் எழுதத் தொடங்குவது என்பது பெரிய அளவில் மதிப்பெண்களைக் குறைக்க வைக்கலாம். பிறகு உண்மை அறியும்போது பதறுவதைவிட முதலியே இதில் கவனம் செலுத்துவது புத்திசாலித்தனம்.

94. அடுத்ததைப் பாருங்கள்..

ஒரு கேள்விக்கான பதிலை எழுதத் தொடங்கிவிட்டீர்கள். பாதி எழுதும்போது அதற்கு மேல் எவ்வளவு யோசித்தும் மீதி பதில் நினைவுக்கு வரவில்லை என்றால் நிறைய நேரத்தை அதை யோசிப்பதிலேயே செலவிடாதீர்கள். அங்கே கொஞ்சம் இடத்தை காலியாக விட்டுவிட்டுப் பிற கேள்விகளுக்கு பதில் எழுதத் தொடங்குங்கள். அந்த பதிலை கடைசியில் எழுதிக்கொள்ளலாம்.

95. காலியாக விடுங்கள்..

ஒருவார்த்தை பதிலாக அமைந்த கேள்விகளில் பெரும்பாலும் சாய்ஸ் இருக்காது. கேள்விகளின் வரிசையிலேயேதான் விடைகளை எழுதவேண்டும். அது திருத்துபவருக்கு எளிதாக இருக்கும். (பொதுத் தேர்வுகளில் ஒவ்வொரு கேள்விக்குமான மதிப்பெண்களை அவர் ஒரு தாளில் எழுதிக் காட்ட வேண்டும்.) பத்து கேள்விகளில் ஆறாவது கேள்விக்கான விடை நினைவுக்கு வரவில்லை என்றால் ஐந்தாவது, ஏழாவது கேள்விகளுக்கிடையில் ஆறாவது பதிலை எழுதுவதற்காக காலியிடம் விடுங்கள். அந்தக் காலியிடம், ஒரு பதிலை எழுதவேண்டும் என்பதை உங்களுக்கு நினைவுறுத்துவதாகவும் இருக்கும்.
96. மீண்டும் படிச்சுப் பாருங்க..

பலமுறை ஆசிரியர்களிடம் கேட்ட இந்த இந்த அறிவுரையைக் கடைப்பிடிப்பதுண்டா? பதில்களை எழுதி முடித்தவுடன் தவறாமல் அவற்றை ஒருமுறை படித்துப் பாருங்கள். அப்போதுதான் தெரியாமல் செய்த பிழைகள் புரியும். மூன்று மணிநேரத் தேர்வு என்றால் அதை இரண்டே முக்கால் அல்லது இரண்டரை மணிநேரத் தேர்வு என்று மனதில் பதிவு செய்துகொண்டு மீதி நேரத்தை ரிவிஷனில் செலவிட வேண்டும்.

97. தள்ளிப் போடாதீர்கள்..

தேர்வின்போது ‘இயற்கையின் அழைப்பு’ வந்தால் தேர்வாளரிடம் கேட்டுக் கொண்டு டாய்லெட் சென்று வந்துவிடுங்கள். இல்லையென்றால் கவனம் சிதறி, ரிலாக்ஸ்டாக பதில்களை எழுத முடியாமல் போய்விடும்.

98. பதிய வைத்தீர்களா?

உங்கள் பதிவு எண்ணை விடைத்தாளில் அதற்கென ஒதுக்கப்பட்டுள்ள இடத்தில் எழுதியிருக்கிறீர்களா என்பதை சரிபார்த்துக் கொண்ட பிறகு அதைக் கண்காணிப்பாளரிடம் கொடுங்கள். வேறெங்கும் பதிவெண்ணை எழுதக் கூடாது என்று குறிப்பையும் பின்பற்றவேண்டும்.

99. பக்கம் பார்த்து...

விடைகள் மொத்தம் எவ்வளவு பக்கங்கள் எழுதப்பட்டிருக்கின்றன என்பதை எண்ணிப் பாருங்கள். அதை மறவாமல் முதல் பக்கத்தில் எழுதுங்கள்.

100. வேண்டாம் விவாதம்..

எழுதி முடித்த தேர்வு குறித்து இரு பரிட்சைகளுக்கு நடுவே பிற மாணவர்களோடு சேர்ந்து ஆராய்ச்சி செய்ய வேண்டாம். சிலசமயம் நீங்கள் சரியான விடை எழுதியிருந்தால்கூட பிறர் தாங்கள் எழுதிய (தவறான) விடையே சரியானது என்று சாதிக்கும்போது மனவருத்தம் ஏற்பட்டு அடுத்த தேர்வுக்கு தயார் செய்துகொள்ள முடியாமல் போய்விடும்..

மீண்டும் ஒரு விஷயத்தை நினைவுபடுத்துகிறோம்...


புத்தாண்டில் நமக்குக் கிடைத்த டைரியில் குறிப்புகள் எழுதுவோம். கொஞ்ச நாளிலேயே அந்தப் பழக்கத்துக்கு முற்றுப்புள்ளி வைத்துவிடுவோம். இப்படி இருக்கக்கூடாது பரிட்சைக்காக நாம் எடுக்கும் முயற்சிகள்.

அன்பு மாணவச் செல்வங்களே.. இந்த வழிமுறைகளைப் பின்பற்றினால் தேர்வில் நிச்சயம் பெரும் முன்னேற்றம் காண்பீர்கள்.. வாழ்த்துகள்..!வாழ்த்துகள்..
வாழ்த்துகள்..வாழ்த்துகள்..!.